வாழ்க நீர் எம்மான், ரகு அண்ணா !
”அண்ணா”வென அன்போடு கொண்டாடப்படுபவர் !
”ஆண்டவன்”மீது கொண்ட அதீத பக்தியின் காரணமாக – தான்
குடியிருந்த வீட்டையும் கோவிலுக்கே தானமாக வழங்கியவர் !
இனிமையாகப் பேசுபவர், இரக்க குணம் படைத்தவர் !
ஈரமும் நெஞ்சில் வீரமும் ஒருங்கே அமையப்பெற்றவர் !
ஊழல் அதிகாரிகளுக்கு சிம்ம சொப்பனமாகவும், ஆனால்
ஊழியர்களுக்கு உற்ற தோழனாகவும் விளங்கியவர் !
ஊரையடித்து உலையில் போடுவோர் வாழும் காலத்திலே
ஊணை உருக்கி ஊருக்காக ஊழியம் செய்து வாழ்பவர் !
எதிரியையும் நண்பனாக்கும் வல்லமை படைத்தவர் !
தன்னலமற்ற தொழிற்சங்கச் சேவையின் காரணமாக
”மெழுகுவர்த்தி”யென்று தொண்டர்களால் போற்றப்படுபவர் !
தேசியச் சங்கம் கண்டெடுத்த தங்கம், முகவைச் சிங்கம்,
இராமநாதபுரம் FNTO கிளையின் நீண்டநாள் செயலாளர்,
இன்று 30-11-2010 பணிநிறைவு செய்யும் - பாசத்துக்குரிய
தோழர் T.ரகுவீர்தயாள், TA அவர்களது பணிஓய்வுக் காலம்
வளமும் மனநிறைவும் தருவதாக அமைய வாழ்த்துகிறோம்.
No comments:
Post a Comment